၁ - ​ယ​ထံၣ်​လၢ ​ခ့ၣ်​အဲၣ်​ယူၣ်​လီၢ်​ခၢၣ်​သး​ခိၣ်​နၢ်​တ​ဖၣ် ​မ့ၢ်​တ​ကျဲး​စၢး​သူၣ်​ထီၣ်​က​ညီ​ထံ​ရူၢ်​ကီၢ်​သဲး ​ဒီး​တၢ်​ပၢတၢ်​ပြး​လၢ​အ​အိၣ်​ဒီး ​သဲ​စး​အ​တၢ်​ဒိၣ်​စိ​ဘၣ်​န့ၣ် ​က​ညီ​ဖိ​တ​ဖၣ် ​က​အိၣ်​မူ ​ဒ်​ပှၤ​တ​က​လုာ် ​လၢ​အ​အိၣ်​ဒီး ​အ​ထံ​အ​ကီၢ် ​အ​တၢ်​ပၢ​လီၤ​သး​န့ၣ် ​လၢ​စိၤ​ခဲ​အံၤ​မ့ၢ်​ဂ့ၤ ​ဒီး​လၢ​စိၤ​လၢ​က​ဟဲ​မ့ၢ်​ဂ့ၤ ​ကဲ​ထီၣ်​အ​သး​တ​သ့​လ့ၤ​တ​က့ၤ​ဘၣ်.

၂ - ​ထံ​ကီၢ်​တ​ဘ့ၣ်​က​အိၣ်​ဂၢၢ်​အိၣ်​ကျၢၤ​အ​ဂီၢ်, ​ပှၤ​တ​ဖု​တ​ဝၢ ​က​အိၣ်​ဂၢၢ်​အိၣ်​ကျၢၤ ​လဲၤ​က့ၤ​ဖံး​မၤ​အီၣ်​အီ ​က​သ့​အ​ဂီၢ် ​သဲ​စး​အ​တၢ်​ဒိၣ်​စိ ​က​ဘၣ်​အိၣ်​ဝဲ​န့ၣ်​လီၤ. ​တၢ်​သိၣ်​တၢ်​သီ ​ဒီး​သဲ​စး​လၢ​တၢ်​ဒုး​အိၣ်​ထီၣ်​အီၤ​လၢ ​ထံ​ကီၢ်​တ​ဘ့ၣ်​အ​ဂီၢ်​န့ၣ်​ပှၤ​လၢ​အ​ဒုး​အိၣ်​ထီၣ် ​သဲ​စး​တ​ဖၣ်​အိၣ်​ဒီး​အ​တၢ်​ပ​ညိၣ်​အိၣ်​ဝဲ​ထဲ​တ​​မံၤလၢ​ အ​မ့ၢ်​ဝဲ ​တၢ်​ဂၢၢ်​တၢ်​ကျၢၤ​ဒီး​ တၢ်​ဘၣ်​လိာ်​ဖိး​မံ ​တၢ်​ဃူ​တၢ်​ဖိး ​လၢ​ထံ​ကီၢ်​တ​ဘ့ၣ်​အ​ပူၤ​ က​အိၣ်​ဝဲ​အ​ဂီၢ်​န့ၣ်​လီၤ.

၃ - ​ယ​ထံၣ်​လၢ​ခ့ၣ်​အဲၣ်​ယူၣ်​ခိၣ်​နၢ်​ခဲ​အံၤ ​ဒီး​ခါ​ဆူ​ညါ​တ​ဖၣ် ​မ့ၢ်​တ​ဂုာ်​ကျဲး​စၢး ​ဒုး​အိၣ်​ထီၣ်​သဲ​စး​တၢ်​ဒိၣ်​စိ ​လၢ​ကီၢ်​သူ​လ့ၤ​အ​ပူၤ​ဘၣ်​န့ၣ် ​တၢ်​အ့ၣ်​လိာ်​ဆိး​က့​, ​တၢ်​ထီ​ဒုၣ်​ထီ​ဒါ​လိာ်​သး, ​တၢ်​လီၤ​မုၢ်​လီၤ​ဖး, ​တၢ်​တ​ဂၢၢ်​တ​ကျၢၤ, ​ဒီး​တၢ်​တ​ဃူ​တ​ဖိး​လၢ​က​ညီ​ဖိ​အ​ကျါ ​က​အိၣ်​ဝဲ​ထီ​ဘိ​န့ၣ်​လီၤ. ​သဲ​စး​တၢ်​ဒိၣ်​စိ ​မ့ၢ်​တ​အိၣ်​ဘၣ်​န့ၣ် ​ထံ​ကီၢ်​ခိၣ်​နၢ်​မ့ၢ်​ဂ့ၤ ​ထံ​ဖိ​ကီၢ်​ဖိ​မ့ၢ်​ဂ့ၤ ​တၢ်​သိၣ်​တၢ်​သီ​လၢ ​အ​ဝဲ​သ့ၣ်​က​ဘၣ်​လူၤ​ထွဲ​မၤ​ထွဲ, ​တၢ်​လၢ​က​ဖီၣ်​ဃံး​အ​ဝဲ​သ့ၣ်, ​တၢ်​လၢ​က​ဟ့ၣ်​တၢ်​စံၣ်​ညီၣ်​ပီ​တ့​အ​ဝဲ​သ့ၣ်, ​တၢ်​က​ဃိ​ထံ​အ​ဝဲ​သ့ၣ်​အ​တၢ်​မၤ ​တ​အိၣ်​ဘၣ်​အ​ဃိ ​ပှၤ​ကိး​ဂၤ​ဒဲး ​က​မၤ​ဖဲ​အ​သး​ လူၤ​ဖဲ​အ​သး​န့ၣ်​လီၤ. ​တၢ်​ဒ်​သိး​အံၤ​တ​ဖၣ်​ယ​ထံၣ်​ဘၣ်​လၢ ​ကဲ​ထီၣ်​သး​လၢ​မုၢ်​မ​ဆါ​တ​နံၤ​အံၤ ​န့ၣ်​လီၤ.

၁ - ​ဒ်​သိး​ဒီး ​တၢ်​တြီ​တၢ်​တြၢ် ​က​အိၣ်​ဝဲ, ​တၢ်​ကွၢ်​မဲာ်​တၢ်​ သု​တ​အိၣ်​လၢ ​တၢ်​စံၣ်​ညီၣ်​ပီ​တ့​အ​ပူၤ​အ​ဂီၢ် ​ပှၤ​လၢ​အ​မူ​အ​ဒါ​အိၣ်​လၢ ​တၢ်​စံၣ်​ညီၣ်​ပီ​တ့​တ​ဖၣ် (​လီၤ​ဆီ​ဒၣ်​တၢ် ​စံၣ်​ညီၣ်​ကွီၢ်​တ​ဖၣ်) ​အ​တၢ်​စိ​က​မီၤ​န့ၣ် ​က​ဘၣ်​အိၣ်​ကွဲး​အ​သး​လၢ ​ထံ​ကီၢ်​ပၢ​ပြး ​သဲ​စး​အ​ပူၤ​လီၤ. ​စံၣ်​ညီၣ်​ကွီၢ်​တ​ဖၣ် ​က​ဘၣ်​အိၣ်​ဒီး ​တၢ်​သ​ဘျ့​ဒီး ​တၢ်​စိ​က​မီၤ ​လၢ​က​စံၣ်​ညီၣ်​ပီ​တ့​တၢ်​မူး​တၢ်​ရၤ​ ​လၢ​အ​ပူၤ​ဖျဲး​ဒီး​တၢ်​ဖီၣ်​ပျံၤ ​ဒီး​တၢ်​ဂိာ်​စု​ဂိာ်​ခီၣ် ​လၢ ​ခ့ၣ်​အဲၣ်​ယူၣ် ​အ​ပှၤ​ပၢၤ​လီၢ်​ဆ့ၣ်​နီၤ​ဒီး ​က​မံး​တံာ်​တ​ဖၣ်, ​သုး​မုၢ်​ဒိၣ်​ခိၣ်​နၢ်​တ​ဖၣ် ​န့ၣ်​လီၤ. 

၂ - ​ခီ​ဖျိ​လၢ ​ထံ​ကီၢ်​ပၢ​ပြး​သဲ​စး ​ဟ့ၣ်​စိ​ဟ့ၣ်​က​မီၤ ​စံၣ်​ညီၣ်​ကွီၢ်​တ​ဖၣ်​လၢ ​က​စံၣ်​ညီၣ်​ပီ​တ့ ​တၢ်​မူး​တၢ်​ရၤ​တ​ဖၣ်​အ​ဃိ ​ခ့ၣ်​အဲၣ်​ယူၣ်​ခိၣ်​နၢ်​ ခဲ​အံၤ​တ​စိၤ​မ့ၢ်​ဂ့ၤ ​ဒီး​လၢ​ခံ​တ​စိၤ​မ့ၢ်​ဂ့ၤ ​တ​ကြၢး​အိၣ်​ဒီး ​တၢ်​စိ​တၢ်​က​မီၤ​လၢ ​က​ထုး​ကွံာ်, ​မၤ​ဟး​ဂီၤ​ကွံာ် ​စံၣ်​ညီၣ်​ကွီၢ်​တ​ဖၣ် ​အ​တၢ်​စိ​တၢ်​က​မီၤ​လၢ ​ထံ​ကီၢ်​ပၢ​ပြး​သဲ​စး ​ဟ့ၣ်​စိ​ဟ့ၣ်​က​မီၤ​အီၤ​သ့ၣ်​တ​ဖၣ်​ဘၣ်. ​ဘၣ်​ဆၣ်​သ​နာ်​က့ ​အ​လီၢ်​မ့ၢ်​အိၣ်​လၢ ​တၢ်​က​ဘၣ်​ဘှီ​ဘၣ် ​စံၣ်​ညီၣ်​ကွီၢ် ​အ​တၢ်​စိ​က​မီၤ​ဒီး ​တၢ်​ဖံး​တၢ်​မၤ​အ​ကျိၤ​အ​ကျဲ​န့ၣ် ​အ​ဆိ​က​တၢၢ် ​တၢ်​က​ဘၣ်​ကိး​တၢ်​အိၣ်​ဖှိၣ် ​မၤ​န့ၢ်​ပှၤ​အါ​ဂၤ​အ​တၢ်​ဃု​ထၢ ​မ့ၢ်​ဝံၤ​မး ​ဆီ​တ​လဲ ​ထံ​ကီၢ်​ပၢ​ပြး​သဲ​စး​လၢ ​အ​ဟ့ၣ်​စိ​ဟ့ၣ်​က​မီၤ ​စံၣ်​ညီၣ်​ကွီၢ်​တ​ဖၣ်​န့ၣ်​လီၤ. 

၃ - ​စံၣ်​ညီၣ်​ကွီၢ်​တ​ဖၣ် ​က​ဘၣ်​မ့ၢ်​ပှၤ​လၢ ​အ​နၢ်​ပၢၢ် ​သဲ​စး​ကွီၢ်​မ့ၢ် ​ကွီၢ်​ထံ ​ဒီး ​က​ဘၣ်​မ့ၢ် ​ပှၤ​လၢ​အ​နၢ်​ပၢၢ် ​တၢ်​စံၣ်​ညီၣ်​ပီ​တ့ ​အ​ကျိၤ​အ​ကျဲ ​အ​သ​နူ​ဒီး ​တၢ်​သိၣ်​တၢ်​သီ​လၢ ​စံၣ်​ညီၣ်​ကွီၢ်​ဒၣ်​ဝဲ ​က​ဘၣ်​လူၤ​ထွဲ​ဝဲ​န့ၣ်​လီၤ. 

၄ - ​လၢ​တၢ်​စံၣ်​ညီၣ်​ပီ​တ့​အ​တၢ်​မၤ​အ​ပူၤ ​ပ​က​ဘၣ်​ဒုး​အိၣ်​ထီၣ်​ဒီး ​ဆိး​ကါ​ပီၢ်​ရီ​တ​ဖၣ်​လီၤ. ​ပ​တ​ကြၢး​သူလၢၤ ​မိၢ်​လု​ပၢ်​လၢ် ​စံၣ်​ညီၣ်​ပီ​တ့​အ​သ​နူ​လၢ ​အ​တ​ဖိး​မံ​လိာ်​အ​သး​ဒီး ​ခ့​ခါ​အ​တၢ်​အိၣ်​သး, ​သ​နူ​လၢ ​အ​တြီ​ဃာ်​တၢ်​လဲၤ​ထီၣ်​လဲၤ​ထီ​တ​ဖၣ်​န့ၣ်​လၢၤ​ဘၣ်. ​ပှၤ​တ​ဂၤ​လၢ်​လၢ်​လၢ ​အ​ဘၣ်​တၢ် ​လိာ်​ဘၢ​လိာ်​​ကွီၢ်​အီၤ ​လၢ​တၢ်​မူး​တၢ်​ရၤ​တ​မံၤ​မံၤ​န့ၣ် ​က​ဘၣ်​အိၣ်​ဒီး ​တၢ်​ခွဲး​တၢ်​ယာ်​လၢ ​က​ဃ့​တၢ်​မၤ​စၢၤ​လၢ ​ပီၢ်​ရီ​တ​ဖၣ် ​အ​အိၣ်​န့ၣ်​လီၤ.

​ယ​ထံၣ်​လၢ ​ဆၢ​က​တီၢ်​ခဲ​အံၤ ​တ​မ့ၢ်​လၢၤ ​တၢ်​ဆၢ​က​တီၢ်​လၢ ​ပ​က​ဘၣ်​ဃိ​ထံ ​စံၣ်​ညီၣ်​ပီ​တ့ ​ပှၤ​အီၣ်​ဟုၣ်​ထိၣ် ​ပှၤ​အီၣ်​ဟုၣ်​ဆီ, ​ပှၤ​ထီၣ်​မံ​လိာ်​သး, ​ပှၤ​လီၤ​က​မၣ်​မုာ်​က​မၣ်​ခွါ ​အ​ဆၢ​က​တီၢ်​လၢၤ​ဘၣ်. ​ယ​ထံၣ်​လၢ ​ဆၢ​က​တီၢ်​ခဲ​အံၤ ​ခီ​ဖျိ​လၢ ​တၢ်​လဲၤ​ထီၣ်​လဲၤ​ထီ​ဒီး ​တၢ်​ဆီ​တ​လဲ ​အိၣ်​ထီၣ်​လၢ ​ပှၤ​ဟီၣ်​ခိၣ်​ဖိ ​အ​တၢ်​အိၣ်​မူ ​အ​က​ပၤ​က​ပၤ​အ​ဃိ ​ဆၢ​က​တီၢ်​ဘၣ်​လံ​လၢ ​ပ​က​ဘၣ်​ဒုး​အိၣ်​ထီၣ် ​သဲ​စး​အ​သီ​တ​ဖၣ် ​လၢ​အ​ဖိး​မံ​ဒီး ​တၢ်​အိၣ်​သး​ဒီး ​တၢ်​ဆီ​တ​လဲ​လၢ ​အ​ကဲ​ထီၣ်​အ​သး​လၢ ​မုၢ်​မ​ဆါ​တ​နံၤ​အံၤ​န့ၣ်​လီၤ.

​ယ​ထံၣ်​လၢ ​တၢ်​ဂ့ၢ်​လၢ​လာ်​တ​ဖၣ်​အံၤ ​မ့ၢ်​တၢ်​ဂ့ၢ်​လၢ​အ​ရ့​ဒိၣ်​ဒီး ​မ့ၢ်​တၢ်​လၢ ​ကဲ​ထီၣ်​အ​သး​လၢ ​ကီၢ်​သူ​လ့ၤ ​က​ညီ​တၢ်​ပၢ​အ​ပူၤ​အ​ဃိ ​အ​လီၢ်​အိၣ်​လၢ ​ပ​က​ဘၣ်​ဒုး​အိၣ်​ထီၣ် ​သဲ​စး​ဒ်​သိး​ဒီး ​တၢ်​ဂ့ၢ်​တ​ဖၣ်​အံၤ ​တၢ်​ပၢ​ဆှၢ​အီၤ​က​န့ၢ်, ​တၢ်​ဃိ​ထံ​အီၤ​က​န့ၢ်​ဒီး ​စံၣ်​ညီၣ်​ပီ​တ့​အီၤ​က​န့ၢ် ​အ​ဂီၢ်​န့ၣ်​လီၤ. 

၁) ​တၢ်​ဆါ​ဟုၣ်​ဟ့ၣ်​လီၤ​ဟုၣ် ​ကီၢ်​သူ​လ့ၤ​ထံ​ကီၢ်​ပ​ဒိၣ်​အ​တၢ်​ခူ​သူၣ် ​ဆူ​က​ရၢ​အ​ဂၤ (မ့) ​ထံ​ကီၢ်​အ​ဂၤ 

[Providing and/or sharing Kawthoolei’s government secrets to foreign entities or organizations in exchange for material or monetary compensation.]

၂) ​တၢ်​မၤ​ဟး​ဂီၤ ​မၤ​လီၤ​မၢ်​ ကီၢ်​သူ​လ့ၤ​ပ​ဒိၣ် ​အ​တၢ်​ခူ​သူၣ် 

[Intentional destruction of Kawthoolei’s government secrets or information]

၃) ​တၢ်​ရၤ​လီၤ ​ကီၢ်​သူ​လ့ၤ​ပ​ဒိၣ်​အ​တၢ်​ခူ​သူၣ်​လၢ ​ပှၤ​တ​ဝၢ​က​လံၤ​ကျါ

 [Unauthorized distribution of Kawthoolei government’s secret on Social Media]

၄) ​တၢ်​မၤ​သ​ကိး​တၢ်​ဒီး ​တၢ်​က​ရၢ​က​ရိ​လၢ ​အ​မၤ​က​မၣ် ​ကီၢ်​သူ​လ့ၤ​ပ​ဒိၣ်​ကွီၢ်​မ့ၣ် (မ့) ​ကွီၢ်​ထံ 

[Involved or associate with criminal organizations]

၅) ​တၢ်​တိ​စၢၤ​မၤ​စၢၤ ​တၢ်​ဟံး​စု​နဲၣ်​ကျဲ ​တၢ်​ဟ့ၣ်​ကူၣ်​ဟ့ၣ်​ဖး ​တၢ်​က​ရၢ​က​ရိ​လၢ ​အ​မၤ​က​မၣ် ​ကီၢ်​သူ​လ့ၤ​ပ​ဒိၣ် ​ကွီၢ်​မ့ၣ်(​မ့) ​ကွီၢ်​ထံ 

[Abetting criminal organizations]

၆) ​တၢ်​ဟံး​န့ၢ်​တူၢ်​လိာ်​ကျိၣ်​စ့, ​တၢ်​အီၣ်​ခိၣ်​ဖး​လာ်​ဆှိး ​လၢ​တၢ်​က​ရၢ​က​ရိ​လၢ​အ​မၤ​က​မၣ်​ကီၢ်​သူ​လ့ၤ​ပ​ဒိၣ် ​ကွီၢ်​မ့ၣ်​ကွီၢ်​ထံ 

[Accepting bribes from criminal organizations]

၇) ​ပှ့ၤ​တၢ်​စု​လီၢ်​ခီၣ်​ခိၣ် (​မ့) ​မၤ​တၢ်​ဘျၢ​လီၤ​ကျိၣ်​စ့ ​လၢ​စ့​လၢ​အ​ဟဲ​လၢ ​တၢ်​က​ရၢ​က​ရိ​လၢ ​အ​မၤ​က​မၣ် ​ကီၢ်​သူ​လ့ၤ​ပ​ဒိၣ် ​အ​ကွီၢ်​မ့ၣ်​ကွီၢ်​ထံ

[Possession of property obtained from criminal organizations]

၈) ​တၢ်​သူ​အီၣ်​ဆိး​ကါ ​ကီၢ်​သူ​လ့ၤ​ပ​ဒိၣ် ​အ​တၢ်​ဖိ​တၢ်​လံၤ, ​တၢ်​စု​လီၢ်​ခီၣ်​ခိၣ် ​လၢ​တၢ်​က​ဘျံး​က​ဘျၣ်​အ​ပူၤ 

[Unauthorized use of Kawthoolei government’s property for personal gains]

၉) ​တၢ်​ဟံး​န့ၢ်​ဆူၣ်​ဟီၣ်​ခိၣ်​က​ပံာ်

[Land confiscation]

၁၀) ​တၢ်​ဟံး​န့ၢ်​ခိၣ်​ဖး​လာ်​ဆှိး ​လၢ​က​မျၢၢ်​ကျါ

[Accepting bribe from the public]

၁၁) ​တၢ်​ဟ့ၣ်​ခိၣ်​ဖး​လာ်​ဆှိး ​ဆူ​ပှၤ​အိၣ်​ဒီး​မူ​ဒါ ​ဒီး​တၢ်​စိ​တၢ်​က​မီၤ

[Bribing Kawthoolei government officials]

၁၂) ​တၢ်​သူ​က​မၣ်, ​တၢ်​သူ​က​ဘျံး​က​ဘျၣ် ​လီၢ်​လၤ​ဒီး​တၢ်​စိ​တၢ်​က​မီၤ

[Abuse of Authority and Power]

၁၃) ​တၢ်​ပျိာ်​လဲ​စ့​သူ(​စ့​လၢ​အ​တ​ဖိး​ဒီး​သဲ​စး) ​ဆူ ​စ့​ဝါ (​စ့​လၢ​ပှၤ​တူၢ်​လိာ်​အီၤ​သ့​ဒ်​အ​မ့ၢ်​စ့​လၢ​အ​ခီၣ်​ထံး​ခီၣ်​ဘိ​ဂ့ၤ​ဝဲ)

[money laundering]

၁၄) ​တၢ်​ထုး​ထီၣ်​တၢ်​ဖိ​တၢ်​လံၤ, ​ပ​ဒိၣ်​အ​လံာ်​လဲၢ်, ​တၢ်​ဂီၤ​တၢ်​ဖီၣ်, ​တၢ်​ပ​နီၣ်​လၢ ​အ​ယီၤ​အ​ဘျၣ်, ​အ​က​ဘျံး​က​ဘျၣ်

[Forging Kawthoolei government official documents]