​ကီၢ်​သူ​လ့ၤ ​တူၢ်​ဒိၣ်​မုၣ်​တူၢ်​ဒိၣ်​ခွါ​သ့ၣ်​သု​ဧၢ. ​

အ​ဆိ​က​တၢၢ်​သး​အိၣ်​တူၢ်​လိာ်​မုၣ်​ဘၣ်​သု​ကိး​ဂၤ​ဒဲး ​လၢ​တၢ်​မၤ​လိကျိၤ​အံၤ​ န့ၣ်​လီၤ. 

​တၢ်​မၤ​လိ​အံၤ ​မ့ၢ်​ဝဲ ​ထံ​ကီၢ်​ဘီ​မုၢ်​က​ဒွဲ​သဲ​စး​န့ၣ်​လီၤ.

​အ​ဆိ​က​တၢၢ် ​ယ​က​တဲ​ဘၣ်​သု​လၢ ​နီၣ်​ဂံၢ်​ခံ​ဖျၢၣ် ​လၢ ​အ​တ​ဘၣ်​ဃး​ဒီး ​သဲ​စး​ဘၣ်​န့ၣ်​လီၤ.

​တၢ​တ​ဖျၢၣ်​န့ၣ် ​မ့ၢ်​ဝဲ ၇,၂၂၆,၂၅၉,၀၅၂ (​အ​က​ကွဲၢ်​နွံ​က​ထိ, ​ခံ​က​ယၤ​ခံ​ဆံ​ဃု​က​ကွဲၢ်, ​ခံ​က​လီၢ် ​ယဲၢ်​က​လး ​ခွံ​က​ထိ ​ဒီး​ယဲၢ်​ဆံ​ခံ) ​န့ၣ်​လီၤ.

​ခံ​ဖျၢၣ်​တ​ဖျၢၣ်​မ့ၢ်​ဝဲ ၃,၁၅၃,၆၀၀,၀၀​ဝ (​အ​က​ကွဲၢ်​သၢ​က​ထိ, ​တ​က​ယၤ​ယဲၢ်​ဆံ​သၢ​က​ကွဲၢ်, ​ဃု​က​လီၢ်)​န့ၣ်​လီၤ.

​နီၣ်​ဂံၢ်​ခံ​ဖျၢၣ်​အံၤ ​အ​မ့ၢ်​တၢ်​မ​နုၤ​လဲၣ်?

​ဘၣ်​သ့ၣ်​သ့ၣ် ​န​က​တ​ယာ် ​​လၢနီၢ်​ဂံၢ်​အ​ခီၣ်​ထံး​တ​ဖျၢၣ်​န့ၣ် ​က​မ့ၢ်​ဝဲ ​ဟီၣ်​ခိၣ်​ဖိ​အ​နီၢ်​ဂံၢ် ​ဖဲ​ယ​သိၣ်​လိ​လီၤ​တၢ်​ခဲ​အံၤ​အ​က​တီၢ် ​ဖဲ၂၀၁၅​နံၣ်​အ​က​တီၢ်​န့ၣ်​လီၤ.

​မ့​မ့ၢ်​နီၣ်​ဂံၢ်​ခံ​ဖျၢၣ်​တ​ဖျၢၣ်​န့ၣ် ​က​မ့ၢ်​တၢ်​မ​နုၤ​လဲၣ်. 

​ဘၣ်​သ့ၣ်​သ့ၣ် ​န​က​ဆိ​က​မိၣ်​လၢ ​ဟီၣ်​ခိၣ်​ဖိ​အ​နီၢ်​ဂံၢ် ​ဖဲ​အ​ပူၤ​ကွံာ် ​ဆံ​ဆဲၣ်​နံၣ်​အ​ခါ န့ၣ်​လီၤ. 

​ဘၣ်​ဆၣ်​တ​မ့ၢ်​ဘၣ်. 

​နီၣ်​ဂံၢ်​ခံ​ဖျၢၣ်​တ​ဖျၢၣ်​လၢ ​အ​မ့ၢ် ​အ​က​ကွဲၢ်​သၢ​က​ထိ​အံၤ ​တၢ်​ဆၢ​က​တီၢ်​နီၣ်​ဂံၢ်​အ​စဲး​ကဲး​တ​ဖၣ် ​လၢ ​အ​နံၣ်​တ​က​ယၤ​ အ​တီၢ်​ပူၤ​န့ၣ်​လီၤ. 

​အ​စဲး​ကဲး ၆၀ ​မ့ၣ် ​အ​မံး​နံး၆၀​စု ​န့ၣ်​ဒီး ​မ့ၢ်​ဝဲ​တ​နၣ်​ရံၣ် ​ဒီး ​မ့ၣ်​က​ဒီး၂၄​ ​နၣ်​ရံၣ်​န့ၣ် ​တ​သီ​ဒီး ​မ့ၣ်​က​ဒီး ၃၆၅​သီ​န့ၣ် ​မ့ၢ်​ဝဲ​တ​နံၣ်​န့ၣ်​လီၤ. ​ဒီး​ပ​မ့ၢ်​မ့ၣ်​က​ဒီး ၁၀၀​န့ၣ် ​နီၣ်​ဂံၢ်​က​မ့ၢ်​ဝဲ ၃,၁၅၃,၆၀၀,၀၀​ဝ (၆၀ * ၆၀ * ၂၄ * ၃၆၅ * ၁၀၀ = ၃,၁၅၃,၆၀၀,၀၀​ဝ)​န့ၣ်​လီၤ. [​မ့ၣ် = times/multiply]

​ဆိ​က​မိၣ်​ကွၢ်​နီၢ်​ဂံၢ်​ခံ​ဖျၢၣ် ​လၢ​အ​မ့ၢ် ​အ​က​ကွဲၢ်​နွံ​က​ထိ​ဘျဲၣ်​ဒီး ​အ​က​ကွဲၢ်​သၢ​က​ထိ​ဘျဲၣ် ​ဖဲ ​ဆၢ​က​တီၢ်​ခဲ​အံၤ ​နံၣ်၂၁​ယၤ​ပာ်​ဖှိၣ်​န့ၣ် ​တ​ဘျး.

​ပ​ထံၣ်​ဘၣ်​လၢ ​ဟီၣ်​ခိၣ်​ဖိ​အ​နီၢ်​ဂံၢ် ​န့ၣ် ​အါ​န့ၣ် ​တၢ်​ဆၢ​က​တီၢ်​စဲး​ကဲး​လၢ ​အ​နံၣ်​တ​က​ယၤ​အ​တီၢ်​ပူၤ​န့ၣ်​လီၤ.

​ပ​စံး​တၢ်​အ​ဒိ ​န​မ့ၢ်​အိၣ်​မူ​အ​နံၣ်​တ​ယၤ​ဒီး ​န​မ့ၢ်​ဟ့ၣ်​တၢ်​ဆၢ​က​တီၢ်​လၢ ​​စး​ထီၣ်​လၢန​အိၣ်​ဖျဲၣ်​တုၤ​န​အိၣ်​အ​နံၣ်​တ​က​ယၤ​န့ၣ် ​လၢ ​ကိး​ဆၢ​က​တီၢ်​ဒဲး ​ကိး​စဲး​ကဲး​ဒဲး ​​ဒီး​​နတ​မံ​တ​ဂဲၤ, ​တ​အိၣ်​မ့ၤ​အီ​ထံ ​ဒီး​သူ​တၢ်​ဆၢ​က​တီၢ်​ဒီးပှၤ​ဟီၣ်​ခိၣ်​ဖိ​တ​ဂၤ​စုၣ်​စုၣ်​န့ၣ် ​န​ဟ့ၣ်​တၢ်​ဆၢ​က​တီၢ်​က​ချုး​ဒၣ် ​ဟီၣ်​ခိၣ်​ဖိ​ခဲ​လၢာ်​အ​တ​ဝာ်​န့ၣ်​လီၤ.

​

အ​ဃိ​သ​တး​ဒီး ​ပ​အိၣ်​မူဝံၤ ​ပ​သံ​ကွံာ်​ဘၣ်​ဆၣ် ​ဟီၣ်​ခိၣ်​ဖိ​ခဲ​လၢာ်​အ​တၢ်​အိၣ်​မူ​န့ၣ် ​ပ​ကက​လၢၢ်​ဘၣ်​အီၤ​တ​ချုး​ဘၣ်. ​ပ​တ​သ့ၣ်​ညါ​လိာ်​ပ​သး​ခဲ​လၢာ်​ဘၣ်. ​ဘၣ်​ဆၣ် ​ပ​ဝဲ​ဟီၣ်​ခိၣ်​ဖိ​ကိး​ဂၤ ​ပ​ဘၣ်​ထွဲ​လိာ်​သး ​ဒီး ​စး​ထီၣ်​လၢ ၁၉၄၈​နံၣ်​န့ၣ် ​[Universal Declaration of Human Rights] ဘၣ်​ထွဲ​ဒီး​ပှၤ​ခဲ​လၢာ် ​အ​ဟီၣ်​ခိၣ်​ဖိ​​ခွဲး​​ယာ် ​အ​တၢ်​ဘိး​ဘၣ်​ရၤ​လီၤ ​လၢ​အ​စံး​ဝဲ ​ပှၤ​ကိး​ဂၤ​ဒဲး​အိၣ်​ဒီး ​တၢ်​တုၤ​သိး​ထဲ​သိး, ​အိၣ်​ဒီး​အ​သူး​အ​သ့ၣ်​ဒၣ်​ဝဲ ​ကိး​ဂၤ​ဒဲး​စုာ်​စုာ်​န့ၣ်​လီၤ.

​တၢ်​မၤ​လိ​တ​ကျိၤ​ညါ​အံၤ ​တ​မ့ၢ်​ပ​က​မၤ​လိ ​ဟီၣ်​ခိၣ်​ဖိ​​ခွဲး​​ယာ်​တ​ဖၣ်​ဘၣ်. ​မ့​မ့ၢ်​တ​ခီ ​ပ​က​မၤ​လိ ​သ​ကိး ​တၢ်​သူၣ်​လီၤ​ဆီ​လီၤ ​ဝဲ​ကျိၤ​ဝဲၤ​ဒ့​ ​က​ရူၢ်​က​ရၢ​တ​ဖၣ် ​လၢ​ထံ​ကီၢ် ​ဘီ​မုၢ်​တ​ဖၣ်​အ​ပူၤ, ​ဟီၣ်​ခိၣ်​ဒီ​ဘ့ၣ်​တၢ်​က​ရၢ​က​ရိ​တ​ဖၣ် ​အ​တၢ်​ဘၣ်​ထွဲ​လိာ်​သး ​လၢ ​သဲ​စး​အ​ပူၤ​န့ၣ်​လီၤ.

​တၢ်​ဒံး​သိး​အံၤ ​ပှၤ​တ​နီၤ​နီၤ​အ​ဂီၢ်​န့ၣ် ​က​မ့ၢ်​ဝဲ ​တၢ်​က​ယူၣ်​​က​ယၢာ် ​ဒွဲ​လၤ​ပီၤ​ညါ​န့ၣ်​လီၤ. ​ဘၣ်​ဆၣ်​ယ​အဲၣ်​ဒိး​မၤ​လီၤ​တံၢ်​ဝဲ​ ဒံး​အံၤ. ​တၢ်​မၤ​လိ​တ​ကျိၤ​အံၤ ​အ​ခိၣ်​သ့ၣ်​န့ၣ် ​က​မ့ၢ်​ဝဲ ​ဟီၣ်​ခိၣ်​ဘီ​မုၢ်​က​ဒွဲ​တၢ်​ဘၣ်​ထွဲ ​လၢ ​ထံ​ကီၢ်​တ​ဘ့ၣ်​ဒီး​တ​ဘ့ၣ်​အ​ဘၢၣ်​စၢၤ ​ဘၣ်​ဆၣ် ​ဟီၣ်​ခိၣ်​ဘီ​မုၢ်​ကဒွဲ​သဲ​စး​န့ၣ် ​တ​မ့ၢ်​ထဲ​ထံ​ကီၢ်​တ​ဘ့ၣ်​ဒီး​တ​ဘ့ၣ်​အ​တၢ်​ဘၣ်​ထွဲ​ဘၣ်. ​မ့ၢ်​စ့ၢ်​ကီး​ပ​ဝဲ​နီၣ်​တ​ဂၤ​စုၣ်​စုၣ် ​သဲ​စး​တၢ်​ရ့​လိာ်​ဘၣ်​ထွဲ ​လၢ ​တၢ်​အိၣ်​မူ​သ​ကိး​ဃုာ်​လၢ ​ဒူ​လၢၢ်​ခိၣ်​ ဟီၣ်​ခိၣ်​ဖျၢၣ်​ အ​ဖီ​ခိၣ်​အံၤ​န့ၣ်​လီၤ.

​မ့ၢ်​လၢ​ဟီၣ်​ခိၣ်​ဖိ​ ဘၣ်​ထွဲ​လိာ်​အ​သး​အါ​ထီၣ်, ​ဟီၣ်​ခိၣ်​က​အံၣ်​လီၤ, ​​တၢ်​ဘၣ်​ထွဲ​ဘျး​စဲ​ဆီၣ်​ထွဲ​လိာ်​သး, ​တၢ်​မၤ​သ​ကိး​တၢ် ​ဃုာ်​ဒီး​တၢ်​ဘၣ်​ဂံၢ်​ဂုာ် ​အ​ဃိအ​ရ့​ဒိၣ်​ဝဲ​လၢ ​ပ​ကြၢး​မၤ​လိ​နၢ်​ပၢၢ်​ပ​သး​ လၢ ​ထံ​ကီၢ်​ဘီ​မုၢ်​ကဒွဲ​သဲ​စး ​အ​ဂ့ၢ်​အ​ကျိၤ​န့ၣ်​လီၤ.

​ပ​ကြၢး​မၤ​ဂ့ၤ​ထီၣ် ​က​မျၢၣ်​အ​တၢ်​သ့ၣ်​ညါ​နၢ်​ပၢၢ်​လၢ ​​အ​ဘၣ်​ထွဲ​ဒီးဟီၣ်​ခိၣ်​ဘီ​မုၢ်​က​ဒွဲ​သဲ​စး ​တ​ဖၣ်​န့ၣ်​လီၤ. ​ဒီး​ယ​မုၢ်​လၢ်​လၢ ​သု​က​မၤ​လိ​ ​တၢ်​မၤ​လိ​အံၤ​ဒီ​တ​ကျိၤ​လၢ ​တၢ်​သး​ဖှံ​အ​ပူၤ​န့ၣ်​လီၤ.

​မၤ​လိ​က​ဒီး​ဆူ​ညါ