​မဲး​ခ​ရိၣ်​ခၠံး-​သ​လီ​ဘူ​တ​ဖၣ်​တၢ်​တ့​အီၤ​ဒ်​လဲၣ်

​လၢ​ခၠံး​သ​လီ​ဘူ​တ​ခါ​အ​ပူၤ​န့ၣ် ​သ​လီၤ​ဘူ​က​အိၣ်​ဝဲ​အ​ခါ​လၢ ​အ​က​ယၤ​ဒီး ​ထ​ရဲၣ်​စံး​စ​ထၢၣ်​အ​ခါ​လၢ ​အ​က​ကွဲၢ်​လၢ ​အ​က​ထိ. ​တၢ်​ခဲ​လၢ​အံၤ ​တၢ်​တ့​ဖှိၣ်​တံၢ်​အီၤ​လၢ ​တၢ်​လီၢ်​ထဲ​သိး​စု​မ့ၣ်​ဖိ​တ​ဘ့ၣ်​န့ၣ်​လီၤ. ​

သ​လီ​ဘူ​တ​ခါ​အံၤ ​တၢ်​သူ​အီၤ​လၢ ​အံၣ်​လဲး​ထြီ​နံး ​စဲး​ပီး​လီ​ခဲ​လၢာ်​ လၢပ​သူ​အီၤ​မုၢ်​မ​ဆါ​တ​နံၤ​ညါ​အံၤ ​ဒ်​အ​မ့ၢ်, ​လီ​တဲ​စိ, ​ခိၣ်​ဖၠူၣ်​ထၢၣ်, ​သိ​လ့ၣ်​ဒီး​စဲ​ဖီ​က​ဟၣ် ​ခဲ​လၢာ်​အ​ပူၤ​န့ၣ်​လီၤ. 

​တၢ်​တ့ ​သ​လီ​ဘူ​ပ​တီၢ်​ထီ​တ​ခါ​အံၤ ​စး​ထီၣ်​အ​သး​လၢ ​ဆံၣ်​လံာ်​ကၢၣ် ​မဲး​က​မူၣ်​န့ၣ်​လီၤ.

​

ဘၣ်​မ​နုၤ​အ​ဃိ ​ဆံၣ်​လံာ်​ကၢၣ်​လဲၣ်. ​

ဆံၣ်​လံာ်​ကၢၣ်​န့ၣ် ​မ့ၢ်​တၢ်​ဘၣ်​တ့ ​ဂာ်​သ​လီ​လၢ ​လီ​မ့ၣ်​လဲၤ​တ​ရံး​သ့​ဖဲ ​န​ကျဲၣ်​ကျီ​ဒီး ​ဂာ်​သ​လီ​အ​ဂၤ​တ​က​လုာ် ​ဒ်​အ​က​ကဲ​ထီၣ်​တၢ်​ပီး​တၢ်​လီ ​ဒ်​န​လိၣ်​ဘၣ်​အ​သိး​န့ၣ်​လီၤ.

​ဆံၣ်​လံာ်​ကၢၣ်​န့ၣ် ​မ့ၢ်​ဂာ်​သ​လီ​တၢ်​ဘၣ်​တ့​လၢ ​န​ဃု​ထံၣ်​န့ၢ်​အီၤ​လၢ ​တၢ်​လီၢ်​ကိး​ပူၤ​ဒဲး​န့ၣ်​လီၤ.

​​ဘၣ်​ဆၣ်​ ဆံၣ်​လံာ်​ကၢၣ် ​လၢ​န​ထံ​န့ၢ်​အီၤ​လၢ ​န့​ဆၢၣ်​ပှၢ်​လၢ်​ကျါ​န့ၣ် ​အိၣ်​ကျဲၣ်​ကျီ​အ​သး​ဒီး ​အိး​ခ်​ဆံၣ်​ကၠ့ၢ် ​အ​ဃိ ​န​ဘၣ်​ထုး​ဖး​ဂာ်​သ​လီ​ခံ​ခါ​အံၤ ​အ​ဆိ​က​တၢၢ် ​ဒ်​သိး​န​က​မၤ​န့ၢ် ​ဆံၣ်​လံာ်​ကၢၣ်​လၢ ​အ​က​ဆှီ ​အ​ဂီၢ်​န့ၣ်​လီၤ. 

​အ​ဃိ ​န​ဘၣ်​ဒွၣ်​ကိၢ်​ ​တုၤ​အ​ပှံၢ်​ထီၣ် ​ဃုာ်​ဒီး ​ခၣ်​ဘိၣ်​ဂာ်​သ​လီ ​ဒ်​သိး ​တၢ်​က​မၤ​န့ၢ် ​ဆံၣ်​လံာ်​ကၢၣ်​ဆှံ​ဆှံ ​အ​ဂီၢ်​န့ၣ်​လီၤ. 

​ဒီး​တၢ်​ထုး​န့ၢ် ​ဆံၣ်​လံာ်​ကၢၣ်​ဆှံ​ဆှံ ​ခိ​ဖျိး​တၢ်​ဆှိး​နုာ်​လီၤ ​ဆံၣ်​လံာ်​ကၢၣ်​တ​စဲး​ဖိ​လၢ ​နီၣ်​ကျိၤ​ဆှိး​ဘိ​ဖိ​အ​လိၤ ​ဒီး ​ဆံၣ်​လံာ်​ကၢၣ်​တ​ဖၣ် ​ဟဲ​စဲ​ဘူး​ကိာ်​လိာ်​အ​သး ​တုၤ​အ​ကဲ​ထီၣ်​ဒီ​တ​ကျီၣ်​ဒ်​သိး ​သ့ၣ်​ထူ​ဖျၢၣ်​အ​ကူး​လာ် ​န့ၣ်​လီၤ. ​ဒီး​ဆံၣ်​လံာ်​ကၢၣ်​အ​ထူ​ဖျၢၣ်​အ​ဝဲ​အံၤ ​တၢ်​သွဲၣ်​လီၤ​အီၤ ​ဘူ​သ​လါ​ဖိ ​န့ၣ်​လီၤ. ​ဆံၣ်​လံာ်​ကၢၣ်​သ​လီ​အ​က​ဘျံး​တ​က​ဘျဲး​န့ၣ် ​အ​ဒီၣ်​ဃီ​အိၣ်​ဝဲ ​စု​မုၢ်​ကျၢၢ်​တ​ဘိ​အ​လဲၢ်​ဃာ်​ဃာ် ​တုၤ​တ​ပျၢ်, ​ဒီး​တ​ပျၢ်​ဘျဲၣ်​န့ၣ်​လီၤ.

​ဆံၣ်​လံာ်​ကၢၣ်​သ​လီ​ဘူ ​လၢ​အ​လဲၢ်​န့ၣ် ​တၢ်​ထုး​ထီၣ် ​မဲး​ခ​ရိၣ်​ခၠံး​တ​ဖၣ်​န့ၢ်​အါ​ဝဲ​န့ၣ်​လီၤ.

​ဖဲ​တၢ်​သွၣ်​လီၤ​န့ၢ် ​မဲး​ခ​ရိၣ်​ခၠံး​ဆံး​ဖိ​တ​ဖၣ်​ဝံၤ​ဒီး ​တၢ်​တ့​ထီၣ် ​မဲး​ခ​ရိၣ်​ခၠံး​အ​ဆံး​ဖိ​တ​ဖၣ်​လၢ ​ဆံၣ်​လံာ်​ကၢၣ်​အ​သ​လီ​အ​လိၤ​န့ၣ်​လီၤ. ​

မဲး​ခ​ရိၣ်​ခၠံး​န့ၣ် ​တၢ်​တ့​အီၤ​လၢ ​ဒၢး​လၢ ​အ​က​ဆှီ​ စီ​ဆှံ​ဒံ​အ​ပူၤ​န့ၣ်​လီၤ. ​ဖၣ်​က​မူၣ်​ဖၣ်​ဆါ​ဘၣ်​အၢ​တ​န့ၢ်​နီ​တ​စဲး​ဘၣ်. ​ဖၣ်​ဆါ​က​မူၣ်​ဖိ​တ​ဖီး ​မ့ၢ်​အိၣ်​လၢ ​ခၠံး​သ​လီၤ​အ​လိၤ​န့ၣ် ​တၢ်​သူ​အီၤ​တ​သ့​လၢၤ​ဘၣ်.

​

အ​ခီၣ်​ထံး​က​တၢၢ်​တ​ပ​တီၢ်​န့ၣ် ​တၢ်​ကျၤ​လီၤ ​ဆံၣ်​လံာ်​ကၢၣ်​တဲၢ်​အိး​ဆဲး ​အ​ထံ ​ဘူ​သ​လါ​ဖိ​လၢ ​ဆံၣ်​လံာ်​ကၢၣ်​သ​လီ​အ​လိၤ​န့ၣ်​လီၤ. 

​လၢ​ခံ​တ​ပ​တီၢ်​န့ၣ် ​မ့ၢ်​ဝဲ ​တၢ်​လဲၤ​လိ​လီၤ ​ဆံၣ်​လံာ်​ကၢၣ်​အ​သ​လီ​တ​ဖၣ်​ဆူ ​လံၣ်​သီ​ကြဲး​ဖံၣ် ​အ​က​ဟၣ်​ပူၤ ​န့ၣ်​လီၤ. ​ဒီး ​တၢ်​ခး​အီၤ​လၢ ​ယူၢ်​ဖံၣ်​တၢ်​က​ပီၤ​ဆူၣ်​န့ၣ်​လီၤ. 

​လၢ​ဆံၣ်​လံာ်​ကၢၣ်​အ​သ​လီ ​မဲး​ခ​ရိၣ်​ခၠံး ​အ​ပူၤ ​လီၢ်​က​ဝီၤ​လၢ ​ဘၣ်​ယူၢ်​ဖံၣ်​တၢ်​က​ပီၤ​ဆူၣ်​တ​ဖၣ် ​ကိၤ​ထီ​ဒီး ​တၢ်​လီၢ်​လၢ ​တ​ဘၣ်​ယူၢ်​ဖံၣ်​တ​ဖၣ် ​တၢ်​အူ​သူၣ်​ပျီ​ကွံာ်​အီၤ​န့ၣ်​လီၤ.