တၢ်​အိၣ်​က​တီၤ​သး​လၢ ​က​လံၤ​မုၢ်​တၢ်​စူၤ​ခါ

​မူ​ခိၣ်​စူၤ​ထံ ​လီၤ​ဘၣ်​ပှၤ​ကိး​က​လုာ်

Get Ready for Rainy Day

Published on August 7, 2023

ပ​ပှၤ​က​ညီ​က​လုာ်​န့ၣ် ​ပ​ညီ​နုာ်​လၢ ​တၢ်​ပာ်​ဖျါ​ထီၣ်​ပ​တၢ်​ကီ​တၢ်​ခဲ ​ပ​အဲၣ်​ဒိး​လၢ ​ပှၤ​သး​က​ညီၤ​ပှၤ. ​ပ​ဆိ​က​မိၣ်​လၢ ​ပ​မ့ၢ်​မၤ​လီၤ​သး​က​ညီ​ပ​သး​န့ၣ် ​ပှၤ​က​သး​က​ညီၤ​ပှၤ. ​

တၢ်​နး​တၢ်​ဖှီၣ်​ဘၣ်​ပှၤ ​အ​စိၤ​တ​ဖၣ်​ယံာ်​ကဲာ်​ဆိး​ဒီး ​အါ​စု​အါ​ဘျီ ​ပ​တၢ်​ဆိ​က​မိၣ် ​ဖျါ​ဒ်​သိး ​ပှၤ​က​လုာ်​ဂၤ​န့ၣ် ​အ​တၢ်​ကီ​တၢ်​ခဲ​တ​အိၣ်​ဘၣ်.

​ကီၢ်​ပံၤ​ယီၤ​န့ၣ် ​ပှၤ​သ့ၣ်​ညါ​အီၤ​လၢ ​ကီၢ်​ဘၣ်​ဆိၣ်​အၢ​လံ. ​ဘၣ်​ဆိၣ်​အၢ​လၢ ​ထံ​ရူၢ်​ကီၢ်​သဲး​တၢ်​ဂ့ၢ်​ကီ. ​ဘၣ်​ဆိ​အၢ​လၢ ​တၢ်​သ​ကဲာ်​ပ​ဝး. ​​ကီၢ်​လၢ ​ဆီ​လီၤ​အ​သး​လၢ ​အ​ခီၣ်​တ​ဃာ်​လီၤ​ဃိ​လီၤ​​ဃီၢ်​ ဘူး​က​လီၤ​ပှီၢ်. 

​မူ​ခိၣ်​ထံ​န့ၣ် ​လီၤ​ဘၣ်​ပှၤ​ကိး​က​လုာ်​ဒဲး​အ​ဖီ​ခိၣ်​လီၤ.
​မူ​ခိၣ်​ထံ​ဟဲ​စိၣ်​တၢ်​ဆိၣ်​ဂ့ၤ ​ဆူ​ပှၤ​က​လုာ် ​လၢ​အိၣ်​က​တဲာ်​က​တီၤ​သး ​ဖဲ​တ​ချုး​တၢ်​စူၤ​တုၤ​က​တီၢ်.

ပှၤ​ထံ​ပှၤ​ကီၢ်​န့ၣ် ​တၢ်​တ​ဃူ​တ​ဖိး, ​တၢ်​အ့ၣ်​လိာ်​ဆိး​က့​အိၣ်​ထီ​ဘိ. ​လၢ ​တၢ်​န့ၣ်​အ​ဃိ ​ပှၤ​သူၣ်​လီၤ ​ဝဲၤ​ကျိၤ​ဝဲၤ​ဒ့, ​ပှၤ​ကွဲး​လီၤ​ ပာ်​သ​နူ​ကျိၤ​ကျဲ, ​ရဲၣ်​လီၤ​ပာ်​လၢ ​သဲ​စး​တၢ်​သိၣ်​တၢ်​သီ. ​ဆၢ​က​တီၢ်​ဘၣ် ​မူ​ခိၣ်​က​လံၤ​သီၣ်​ဂီၤ​ဟဲ ​တၢ်​အိၣ်​က​တဲာ်​က​တီၤ​သး ​တ​ဖၣ် ​အ​ဃိ ​မူ​ခိၣ်​ကျၢၤ​လီၤ​အ​မဲာ်​ဘၣ်​ဆၣ် ​တ​ဟဲ​စိာ်​တၢ်​နး​တၢ်​ဖှီၣ်​ထဲ​သိး​ဒီး ​က​ညီ​က​လုာ်​ဘၣ်​ကွၢ်​ဆၢၣ်​မဲ ​တၢ်​စု​က​တၢၢ်​ခီၣ်​က​တၢၢ်​ဘၣ်. ​

​ဖဲ​က​လံၤ​မုၢ်​တၢ်​နး​တၢ်​ဖှီၣ်​တုၤ​အိၣ်​ပှၤ ပ​က​ကိး​မိၢ်​ကိး​ပၢ်​အ​ဂီၢ် ​ပ​ပ​ဒိၣ်​ပ​ပှၢ်​တ​အိၣ် ​ပ​မိၢ်​ပ​ပၢ်​တ​အိၣ်​လၢ ​ပ​က​ကိး​မိကိး​ပါ ​ဒၣ်​လဲၣ်​ဘၣ်.

Image source: usnews.com ဟီၣ်​လာ်​နိ​ယွၤ​လၢ ​ကီၢ်​ထါ​င်​ဝၣ်​အ​ပူၤ

Source: https://youtu.be/HsNg7RzMHik

​​ပ​အိၣ်​ဒီး​ဒုၣ်​ဒါ​လၢ​အ​မၤ​ဂီၤ​ပှၤ, ​မ့ၢ်. ​

ပ​က​ကွီၢ်​ဃီၤ​အ​ဒိ လၢ ကီၢ်​ထါ​င်​ဝၣ် (Taiwan).

ပှၤ​လၢ ​အ​ဒုၣ်​အ​ဒါ​အါ​န့ၣ် ​အ​ဝဲ​သ့ၣ်​လၢ ​ဟီၣ်​ခိၣ်​ချၢ​တ​အိၣ်​နီ​တ​က​လုာ် ​နီ​တ​ဖု​ဘၣ်. ​အ​ဒုၣ်​အ​ဒါ​တ​ရူး​ကီၢ်​မိၢ်​ပှၢ်​အ​ပူၤ ​ကီၢ်​စံၣ်​ အ​ပှၤ​နီၢ်​ဂံၢ်​အိၣ် ​အ​က​ကွဲၢ်​အ​က​ထိ​ တ​က​ထိ​လွံၢ်​က​ယၤ​ဘျဲၣ်, ​ကီၢ်​စံၣ်​မ့ၢ် ​ပှၤ​က​လုာ်​အါ​က​တၢၢ်​လၢ ​ဟီၣ်​ခိၣ်​ချၢ. ​ကီၢ်​စံၣ်​အ​သုး​မုၢ်​ဒိၣ်​အိၣ်​လၢ ​ခံ​က​ကွၢ်​ဘျဲၣ်, ​မ့ၢ်​သုး​မုၢ်​ဒိၣ်​လၢ ​အ​နီၢ်​ဂံၢ်​အါ​က​တၢၢ်​လၢ ​ဟီၣ်​ခိၣ်​ချၢ. ​ပ​ဒုၣ်​ပ​ဒါ​န့ၣ်​အ​နီၢ်​ဂံၢ်​တ​အါ​ထဲ​န့ၤ​ညါ​ဘၣ်.


ကွၢ်​က​ဒီး​အ​သီ​တ​ဝီၤ. ​ကီၢ်​ထါ​င်​ဝၣ် ​အ​မူ​ခိၣ်​က​လံၤ​သီၣ်​ဂီၤ ​တၢ်​က​သုၣ်​က​သံး. ​အ​ထံ​ကီၢ်​အိၣ်​လၢ ​ပီၣ်​လဲၣ်​ပူၤ ​ထါ​င်​ဖှိ(​typhoon)​က​လံၤ​မုၢ်​ဘၣ်​အီၤ​ကိး​နံၣ်​ဒဲး. ​အ​ထံ​အ​ကီၢ်​အိၣ်​ဘၣ်​လၢ ​ထံ​ဒိၣ်​နိ​ယွၤ, ​တၢ်​စူၤ​လီ​ဖျး ​ဟီၣ်​လာ်​နိ​ယွၤ, ​ဟီၣ်​ခိၣ်​ဟူး​အါ​အ​လီၢ် ​အ​ဃိ ​အ​တၢ်​သူၣ်​ထီၣ်​တ​ဖၣ် ​ဘၣ်​သူၣ်​လီၤ​ဆီ​လီၤ​တ့​လီၤ​ဃာ်​ဝဲ​ဒ်​သိး ​က​ခီၣ်​ဆၢ ​မူ​ခိၣ်​ဟီၣ်​ခိၣ်​က​လံၤ​မုၢ်​က​န့ၢ်.


​ဖဲ​လါ​အီ​ကူး ၅​သီ, ၂၀၂၃ ​က​လံၤ​မုၢ်​ဖး​ဒိၣ် ​ထါ​င်​ဖှိ​ခဲ​နိၣ် (Typhoon Khanun) ​ဟဲ​ဘၣ်​ကီၢ်​ထါ​င်​ဝၣ်​ဒီး ​ဟီၣ်​လာ်​နိ​ယွၤ, ​ကၢၢ်​လာ် ​ကျဲ​လီၤ​ပျီၢ် ​ပှၤ​လၢ ​အ​က​ယၤ​အိၣ်​က​တာ်​ထီ. ​ဘၣ်​ဆၣ် ​ပှၤ​တ​ထံၣ်​လၢ ​ထါ​င်​ဝၣ်​အ​မၤ​လီၤ​သး​က​ညီ​အ​သး​ဘၣ်. ​မူ​ခိၣ်​စူၤ ​ဟီၣ်​လာ်​ဒီး ​မ့ၢ်​တၢ်​ညီ​နုာ်, ​မ့ၢ်​န့​ဆၢၣ်​အ​တၢ်​မၤ. ​ပှၤ​လၢ ​အိၣ်​ဒီး​မူ​ဒါ, ​ပ​ဒိၣ်​ပ​ပှၢ်​ဒ်​မိၢ်​ပၢ် ​က​ဟု​က​ယာ်​က့ၤ ​ထံ​ဖိ​ကီၢ်​ဖိ​အ​သိး ​မၤ​ဝဲမိၢ်​ပၢ်​အ​တၢ်​မၤ. ​ပှၤ​လၢ​အ​အိၣ်​ဒီး​တၢ်​စိ​တၢ်​က​မီၤ​တ​ဖၣ် ​တၢ်​လၢ​အ​ဘၣ်​မၤ ​န့ၣ်​မၤ​ဝဲ. ​ပျဲ​လီၤ​ပှၤ​မၤ​တၢ်​ဖိ ​ပှၤ​အုၣ်​က့ၤ​ခီၣ်​က့ၤ​တၢ်​ဖိ. ​တၢ်​အိၣ်​က​တဲာ်​က​တီၤ​အ​သး​ဒီး ​တၢ်​ခဲ​လၢာ် ​လဲၤ​လၢ ​အ​ဂ့ၢ်​အ​ဝီ.



ပ​က​တဲ ​က​ညီ​က​လုာ်​အိၣ်​လၢ ​တၢ်​ဒုး​တၢ်​ယၤ​အ​ဆၢ​က​တီၢ်​ဧဲၣ်. ​ပ​အိၣ်​ဒီး​ပ​ဒူၣ်​ပ​ဒါ​အၢ​သီ​လၢ ​အ​ဟဲ​မၤ​ဂီၤ​ပှၤ​ဧဲၣ်. 

​​မ့ၢ်, ​ဘၣ်​ဆၣ်က​ညီ​က​လုာ်​လၢ​အိၣ်​မူ​ဘၣ်​လၢ ​တၢ်​ဒုး​တၢ်​ယၤ​အ​မဲာ်​ဖံး​ခိၣ်​န့ၣ် ​တ​အါ​န့ၣ် ​က​ညီ​က​လုာ်​အ​နီၢ်​ဂံၢ်​တ​ဆံး​မျး​က​ယၤ​ဘၣ်.

​ပှၤ​က​လုာ်​ဂၤ​အိၣ်​ဒီး​အ​ဒုၣ်​အ​ဒါ​သ​နာ်​က့ ​လဲၤ​ထီၣ်​လဲၤ​ထီ ​မ့ၢ်​လၢ ​အ​တၢ်​အိၣ်​က​တဲာ်​က​တီၤ​သး ​စိာ်​မဲာ်​စိာ်​နါ​လၢ ​စဲ​အ့ၣ်​တၢ်​သ့ၣ်​ညါ​စဲ​ဖီ​က​ဟၣ်​တၢ်​ကူၣ်​သ့. ​က​ညီ​က​လုာ်​န့ၣ် ​အ​ဒူၣ်​အ​ဒါ​ပ​ယီၤ​အိၣ်​အါ​အ​ဃိ, ​က​မ့ၢ်. . ​အ​နီၢ်​ဂံၢ်​တ​အါ​ထဲ​န့ၣ်​ညါ​ဘၣ်.

​ပ​ယီၤ​န့ၣ် ​အ​တ​ဖျဲး​​လီၤ​ဆီထဲ​န့ၤ​ညါ​စ့ၢ်​ဘၣ်. 

​တၢ်​ကိၢ်​တၢ်​စူၤ ​ဘၣ်​ပှၤ​ကိး​က​လုာ်. 

​ပှၤ​အိၣ်​က​တိၤ​အ​သး ​လၢ​က​လံၤ​မုၢ်.

​ပှၤ​သူၣ်​လီၤ​ဒါ​လီၤ​ဆိ ​​ဒ်​သု​တ​လီၤ​ထွံ​ကွံာ်​​

ဖဲ​မူ​ခိၣ်​ထူၣ်​ဖျိ ​တၢ်​စူၤ​​ဒိၣ်ထံ​ဃိၢ်​လီၤ​တၢ်.

​တိၢ်​နီၣ် –

တၢ်​က​တိၤ​အ​သိၣ် /aɪ/ (​လၢ​ပ​ယီၤ​ကျိာ်-​အို​င်)​ကိၤ​လၤ​ကျိာ်​ “I”, ​တၢ်​သီ​မိၢ်​ပှၢ်​န့ၣ်​က​ညီ​စှီၤ​ကျိာ်​တ​အိၣ်​ဘၣ်​အ​ဃိ​ယ​ဟံး​န့ၢ်​အီၤ​လၢ​က​ညီ​ပှိၤ​မုၢ်​ထီၣ်​အ​ကျိာ်​(​အါ​င်)ဒီး​မၤ​ပှဲၤ​ယဲ​တၢ်​သိၣ်​မိၢ်​ပှၢ်​ ​ကီၢ်​ထါ​င်​ဝၣ် အ​ဂီၢ်​​န့ၣ်​လီၤ.

လၢ​တၢ်​အဲၣ်​အါ

​စီၤ​လါ​က​ပီၤ